Санаи 6-уми апрели соли 2018 дар асоси нишондодҳои ташкилию методӣ оид ба масъалаҳои мудофиаи граҷданӣ, пеш-гирӣ, эътино ва рафъи оқибатҳои ҳолатҳои фавқулода дар мактаби таҳсилоти миёнаи умумии №5-и шаҳр «Рӯзи мудофиаи граҷданӣ»-и намуна-вӣ гузаронида шуд.

Дар чорабинии мазкур мудири шуъбаи маорифи шаҳр Мазамбекова А. ва намояндагон аз дигар муассисаҳои таълимии шаҳр иштирок доштанд.

Чорабинии мазкур аз дарсҳои кушод доир ба соҳаи ҳолатҳои фавқулода ва мудофиаи граҷданӣ оғоз гардид. Дарсҳои кушод дар сатҳи баланд гузашта, дониши амалию назариявии хонандагон санҷида шуда, аз ҷониби иштирокдорон ба онҳо баҳои баланд дода шуд.

Ҳамчунин дар чораби-нӣ кормандони қисми сух-торхомӯшкунӣ шаҳр ва гурӯҳи табибон ширкат варзида, амалиётҳои соҳавиро ба анҷом расонида, сарбаландона аз иҷрои он баромаданд. Дар фарҷоми чорабинӣ аз ҷониби намояндагон ба якчанд иштирокдорони фаъоли чорабинӣ тӯҳфаҳо тақдим карда шуд.

Қайд кардан зарур аст, ки ташкил кардани чунин чорабиниҳо барои баланд бардоштани масъулият ва зеҳни шаҳрвандон барои рафъи ҳолатҳои фавқу-лода мусоидат менамояд.

Мухбири “НИ”