9 июли соли 2024 дар толори мақомоти иҷроияи  ҳокимияти давлатии шаҳр таҳти раёсати Раиси шаҳр Қаюмҷон Маҳмудзода ҷаласаи ҷамъбастӣ оид ба натиҷаҳои рушди иҷтимоию иқтисодии шаҳр дар нимсолаи якуми соли 2024 баргузор гардид. Дар кори ҷаласа намояндаи Маркази тадқиқоти стратегии назди Президенти Ҷумҳурии Тоҷикистон Ораз Муртазозода ва намояндаи Мақомоти иҷроияи ҳокимияти давлатии вилояти Суғд Озифхон Шарифзода иштирок ва суханронӣ намуданд.

Бо мақсади омодагии муассисаҳои таълимӣ ба соли нави хониш, имруз Раиси шаҳр Қаюмҷон Маҳмудзода  аз якчанд муассисаҳои таълимии шаҳр дидан намуда, дар баробари омодагиҳо ба соли нави хониш, аз таъмиру тармим ва рангубори муассисаҳо низ аз наздик шинос гардид.

Бузургтарин неъмате, ки дар дунё арзи ҳастӣ мекунад, илму дониш ва фарҳангу маърифат аст.Мактабҳои миёнаву олӣ на барои он ифтихор мекунанд, ки чӣ миқдор шогирд тарбия кардаанд. Бо он фахр доранд, чӣ қадар шогирд тарбия кардаанд, ки барои мардум ва ҷомеа фоидабахш будаанд.Дар давлат бузургтар ва муқаддастар аз мактаб дигар муассисае вуҷуд надорад. Ва вуҷуд дошта ҳам наметавонад. Он чизе, ки дар ҷомеа ҳаст – сохти давлатдорӣ, сулҳу суботи имрӯзу оянда, рушду тараққиёт аз мундариҷа, муҳтаво, сифат ва натиҷаи кори мактаб вобаста аст. Ва «Мактаб нерумандтарин воситаи озод кардани инсон ва нерумандтарин воситаи ғулом кардани инсон мебошад.