Расонаҳои ҳангомасози Ҷумҳурии охундии Эрон рӯзҳои охир талош доранд, ки аз тариқи мусоҳибаву суҳбат ва мақолаҳои бофтаву бардурӯғ вазъияти кунунии кишвари азизамон – Тоҷикистон ва равандҳои сиёсии онро ғайридемократӣ муаррифӣ намуда, амалҳои террористию зиддибашарии саркардагони ҳизби наҳзатро «пок» нишон диҳанд. Аз ҷумла, ин рисолати дурӯғпароканиро аз ҳама бештар бунгоҳи хабарии «Тасним», ки мутааллиқ ба пойгоҳи истихбороти Эрон аст иҷро намуда, хилофи принсипҳои рӯзноманигорӣ ва аркони журнализм ҳақиқати таърихиро дидаву дониста таҳриф мекунад.

Олудагиҳои ахлоқӣ дар таҳлили «раҳбар»-и фирории ТТЭ ҲНИ

«Кабирӣ» 03-юми ноябри соли 2018 ба хабаргузории «Тасним» мусоҳиба додааст, ки дар он бо равонпарешии хоси рафтори ӯ дар бораи воқеаҳои 04-и сентябри соли 2018 фарзияпартобӣ кардааст. Таҳлили касбӣ дар ин робита нишон медиҳад, ки афсурдагии рӯҳӣ дар ғурбат то ҷое ботилмуаллифи наҳзатиро фаро гирифтааст, ки ӯ сафедро аз сиёҳ ҷудо накарда, номи шахсиятҳои шарифро ношуста даҳон ба забон овардааст.

Хизматгори ташкилоти террористию экстремистии Ҳизби наҳзати исломӣ ва абзори дасти доираҳои мазҳабии хориҷӣ - Сайидюнус (Бурҳонов) аз душманӣ варзидан бо Тоҷикистон даст намекашад. Вай ҳатто кӯшиш дорад, ки бо навиштаҳои иғвобарангезонааш дар сомонаи ифротии худ, аз ҷумла дар хусуси сафари В.В.Жириновский ба муносибатҳои байни Тоҷикистону Русия ҳам халал ворид кунад.