Ҳамшаҳриёни азиз!

Имрӯзҳо дар саросари кишвари азизамон 73-юмин солгарди Рӯзи Ғалаба дар Ҷанги Бузурги Ватаниро дар фазои сулҳу осоиш ва истиқлолият таҷлил намуда истодаанд.

Дар ин айёми фараҳбахш ҳамаи Шуморо бо ифтихори ин ҷашни бузург табрик намуда, бароятон сиҳату саломатӣ, рӯзгори хушу осуда ва саодати умрро таманно дорам.

Лозим ба қайд аст, ки Рӯзи Ғалаба ҳамчун рамзи ватанпарастӣ, фидокорӣ ва иттиҳоду сарҷамъист ва тули 73 сол таҷлили бошукӯҳи ин ҷашн аз рӯҳияи шикастнопазири он фидоиёну қаҳрамонон ва родмардони набардҳои шадид илҳом гирифта, дарси ибрату таҷрибаи ҳазорҳо нафар гардидааст.

Вазифаи ҷонӣ ва қарзи виҷдонии ҳар кадоми мост, ки ҳатто як лаҳза ҳам масъалаи ҳифзи давлату давлатдорӣ, таъмини амнияти кишвар ва нигоҳ доштани суботу оромии ҷомеаро фаромӯш насозем.

Пешвои миллат муҳтарам Эмомалӣ Раҳмон

Ҳафтаи сипаригардида тибқи нақшаи мақомоти иҷроияи ҳокимияти давлатии шаҳр ва мақомотҳои ҳифзи ҳуқуқ вохӯрӣ бо сокинони маҳаллаи Меҳнатобод доир ба пешгирии ҳодисаҳои шомилшавии сокинони шаҳр ба ташкилотҳои экстремистию террористӣ ташкил ва гузаронида шуд, ки дар он муовини якуми Раиси шаҳр Шарифзода А., прокурори шаҳри Истиқлол Абдуқодирзода Ф.К. сардори шуъбаи шаҳрии дар шаҳри Истиқлол будаи Раёсати Кумитаи давлатии амнияти миллии Ҷумҳурии Тоҷикистон дар вилояти Суғд Валиев Ҳ. Э., ҷонишини сардори шуъбаи Вазорати корҳои дохилии Ҷумҳурии Тоҷикистон дар шаҳри Истиқлол Абдуллоев Д, ва зиёда аз 50 нафар сокинони маҳаллаи Меҳнатобод ширкат намуданд.

Санаи 7-уми майи соли равон дар Маркази саломатии шаҳр чорабинии тантанавӣ-маросими супоридани шаҳодатномаҳои ҳизбӣ ташкил ва гузаронида шуд.

Дар чорабинӣ раиси кумитаи иҷроияи шаҳрии Ҳизби Халқии Демократии Тоҷикистон Боқиев М.Г., ширкат варзида доир ба ҳадафҳои Сарвари ҳизб муҳтарам Эмомалӣ Раҳмон дар рушду пешрафти хоҷагии халқи кишвар суханронӣ кард.

Чун рамзи эътироф аз фаъоляти хуб ба 10 нафар корандони маркази саломатӣ шаҳодатномаҳои ҳизбӣ тақдим карда шуд.

Қайд гардид, ки ин аъзоёни ҳизб дар оянда барои рушди соҳаи тиб ва пешрафти фаъолияти ҲХДТ саҳм хоҳанд гузошт.