Санаи 9-уми марти соли равон дар золи мақомоти иҷроияи ҳокимияти давлатии шаҳр Рӯзи матбуот таҷлил гардид, ки дар он мудирони бахшу шуъбаҳои мақомоти ҳокимияти давлатӣ, роҳбарони муассисаҳо ва рӯзноманигорону аҳли эҷод ширкат доштанд.

Дар чорабинӣ муовини якуми раиси шаҳр А.Шарифзода ширкат варзида табрики раиси шаҳрро ба самъи ширкатдорони маҷлис расонид.

Муҳтарам намояндагони васоити ахбори умум, аҳли эҷоди шаҳр!

Ҳамаи шуморо ба Рӯзи матбуот табрику таҳният намуда, бароятон саодатмандии рӯзгор ва аз ҳама муҳим хомаи созандаро ба нафъи давлату миллат таманно дорам.

Яксаду шаш сол пеш, яъне 11-уми марти соли 1912 аввалин рӯзнома бо номи «Бухорои шариф» аз ҷониби фарзандони барӯманди халқ Мирзосироҷи Ҳаким, Мирзо Муҳиддин, Маҳмудхоҷа Беҳбудӣ, Фитрат ва чанде дигарон таъсис дода шуд ва ин иқдоми онҳо дар бедории халқ ва талошҳо дар пойдории давлатӣ дар таърихи мардуми мо бо хатҳои заррин сабт ёфтаанд.

Бахшида ба Рӯзи Модар субҳи 7-уми март мулоқоти раиси шаҳр Худойназар Амонзода бо 15 нафар бонувони собиқадор, ки солҳои тулонӣ дар соҳаҳои гуногуни хоҷагии халқи шаҳр фаъолият намудаан ташкил ва гузаронида шуд.

Дар мулоқот раиси шаҳр доир ба таваҷҷуҳи Пешвои миллат муҳтарам Эмомалӣ Раҳмон ҷиҳати баланд бардоштани мақоми зан-модар суханронӣ намуданд. Ҳамзамон оид ба саҳми бонувон дар ҳаёти сиёсиву ҷамъиятии шаҳр андешаронӣ намуда, изҳори қаноатмандии хешро аз кору пайкори бонувони фаъоли шаҳр баён намуданд.