ТАБРИКИ РАИСИ ШАҲР ХУДОЙНАЗАР АМОНЗОДА БАХШИДА БА РӮЗИ МОДАР
Ҳамшаҳриёни азиз!
Модарону хоҳарони арҷманд!
Дар оғози фасли баҳор фаро расидани Рӯзи Модар, ки ҷашни барои ҳамаи мо бисёр азиз аст, ба кулли сокинони шаҳр, бахусус модарону бонувон самимона табрик гуфта, ба ҳар яки шумо саломативу хушбахтӣ ва хонаободиву сарбаландӣ орзу менамоям.
Дар ситоиши зан-модар то имрӯз ҳазорон асари саршор аз меҳру муҳаббат эҷод гардида, симои зан ҳанӯз дар аввалин китобҳои мардуми кӯҳанбунёди мо ҳамчун фарди зебову зебоипараст, донишманду фарҳангдӯст, ватандору ватанпараст, ҳунарманд ва алалхусус тарбиятгар тасвир ёфтааст.
ФЕДЕРАТСИЯИ ФУТБОЛ ДАР ШАҲРИ ИСТИҚЛОЛ ТАЪСИС ЁФТ
Бо мақсади иҷрои дастуру супоришҳои Пешвои миллат муҳтарам Эмомалӣ Раҳмон дар самти рушди тарбияи ҷисмонӣ ва махсусан мусобиқаи футбол ҳафтаи сипаригардида дар толори мақомоти иҷроияи ҳокимияти давлатии шаҳри Истиқлол ҷаласа таҳти раёсати раиси шаҳр Худойназар Амонзода оид ба ташкили Федератсияи футбол дар шаҳр баргузор гардид. Ҳамчунин дар ҷаласа масъулини мақомоти иҷроияи маҳаллӣ, мактаби варзишӣ ва варзишгарону мухлисони ин намуди варзиш иштирок намуданд.
Таҷлили бошукуҳи ҷашни 25-умин солгарди таъсисёбии Артиши миллии кишвар дар Қасри фарҳанг
Санаи 23-юми феврали соли равон дар Қасри фарҳанги шаҳр чорабинии бошукуҳ бахшида ба 25-умин солгарди таъсисёбии Қувваҳои мусаллаҳи кишвар ташкил ва гузаронида шуд. Баъди садо додани Суруди миллӣ раиси шаҳр Худойназар Амонзода табрики хешро бахшида ба ин санаи муборак ба самъи ҳамагон расонид. Сипас намояндаи мақомоти иҷроияи ҳокимияти давлатии вилоят Очилзода Олимҷон табрики иҷрокунандаи вазифаи раиси вилоят Раҷаббой Аҳмадзодаро бахшида ба 25-умин солгарди Артиши миллӣ қироат кард.
Ба якчанд фаъолони соҳаи ҳарбӣ сипоснома ва туҳфаи хотиравӣ аз ҷониби Худойназар Амонзода ва Очилзода Олимҷон тақдим гардид.
