Муҳаммадиқболи Садриддин, шахси бериё, пуррӯ ва асолатгумкарда, ки шомили доираҳои салафигароии кишварҳои нимҷазираи араб аст, дар сомонаи http://isloh.net/, ки пойгоҳи иттилоотии  ҳалқаҳои хатарноки бунёдгароии мазҳабӣ мебошад аз таърихи 06.11.2018 таҳти унвони «Миллат бояд аз чанголи тими ҳукмрони худкамбин бираҳад» мақолае чоп кардааст, ки камбинии доҳии ҷавонони салафӣ М.Садриддин ва разилманишони амсолуҳумро хуб ҳувайдо ва ифшо мекунад.

Шуъбадабозӣ ва кӯлоҳпӯшонии Маҳмудхон Аббосович Бурҳоновро дар муҳити тиҷоратии кишварҳои Халиҷи  Форс ҳама медонанд. Шахсест орӣ аз ҳама усулу меъёрҳои инсонӣ. Чун дар бозорҳои ин кишвар ҷалғуза мефурӯшад ва боз ҳам дар байни савдогарони русзабон ба сифати каҷзабонӣ ба ҳайси мутарҷим миёнҷигарӣ мекунад, айёриаш ба ҳама худиву бегона маълум аст.