Ихтироъкори наврас
Соли равон дар қатори дигар муассисаҳои таълимии кишвар дар байни муассисаҳои таҳсилоти миёнаи умумии шаҳри Истиқлол низ Озмун-Фестивали ҷумҳуриявии ихтироъкорон ва навоварони наврасу ҷавон, таҳти шиори «Ҷавонон созандагони Ватан» баргузор гардид.
Дар даври шаҳрии ин озмун як нафар хонандаи синфи 9-и МТМУ№-и шаҳр Давлатов Муҳаммадшо ғолиби озмун дониста шуда, ба даври вилоятӣ роҳхат гирифт.
Санаи 04.12.2018 дар театри Камоли Хуҷандии шаҳри Хуҷанд маросими супоридани ҷоизаҳои раиси вилоят ба ғолибони озмун доир гардид.
Фонди «Савоб»
Имрӯзҳо дар ҷомеаи мо ҳастанд нафароне, ки хайру саховат ва дастгирии оилаҳои ниёзмандро пешаи худ мешуморанд ва дар ин самт амалҳои пайвастаи хайру савобашон шоёни таҳсин аст.
Соли равон ду нафар сокинони шаҳри Истиқлол Гулмуродов Худойбердӣ, истиқоматкунгандаи маҳаллаи 1-ум бинои 48-и шаҳр ва Айматов Хуршед, истиқоматкунандаи кӯчаи 20-солагии Истиқлолият-11, ки дар Федератсияи Россия кору фаъолият доранд, ин иқдоми наҷибро лоиқ дониста, барои оилаҳои ниёзманди шаҳр, хусусан маъюбон кӯмакҳои моддӣ расониданд.
ҲУСНИ ОДОБ
Якшанбе-рӯзи истироҳат. Бо автобуси хатсайри Истиқлол-Хуҷанд ба маркази вилоят қатори мусофирони дигар раҳсипор будам. Он рӯз аз барфи шабборида ва ҳавои сарди тирмоҳӣ табъи мусофирон парешон буду андаруни автобус субҳи барвақт бо ҳар фикру хаёли зиндагӣ, баъзе бо фарзандон, дигарҳо бо модарон ва кӯдакони ширхор дар бағал сафар доштанд.
Ҷавонзане дар истгоҳи маркази шаҳри Истиқлол бо баробари нишастан ба автобус бо телефони мобилиаш ба ким- кадом шиносаш занг зада, ба сухангӯӣ шурӯъ кард. Бетанаффус бо садои баланд ва хандаҳои безеб ҳарф мезад. Дар давоми сӯҳбаташ ба шунавандааш такрор ба такрор мегуфт: «Дугона, ҳоло ҳам хобӣ? Наход хоб бошӣ? Гӯш кун, ман ба тӯй рафта истодаам. Чӣ, туро хабар накардаанд?»- мегуфт қоҳ-қоҳзанон. Инчунин, кинояомез ба дугонааш таъкид менамуд, ки «Эй, занак нашуда мур, наход то ҳозира хоб-равӣ-я?!...