Санаи 5-уми декабри соли равон дар Қасри Арбоб-и ноҳияи Бобоҷон Ғафуров маросими супоридани Грантҳои Раиси вилояти Суғд ба занону духтарони ҳунарманди вилоят ва ҷамбасти Фестивал-озмуни вилоятии «Атласу адраси Суғд-2018» баргузор гардид.

Дар ин фестивал- озмун аз шаҳри Истиқлол як нафар бонуи ҳунарманду чирадаст Абдураҳмонова Ханигул иштирок намуда, аз рӯйи намуди бофидани гилеми зебои дастӣ ғолиби озмун дониста шуд ва бо Гранти раиси вилояти Суғд муҳтарам Раҷаббой Аҳмадзода бо маблағи 5 000 сомонӣ сарфароз гардонида шуд.

Соли равон дар қатори дигар муассисаҳои таълимии кишвар дар байни муассисаҳои таҳсилоти миёнаи умумии шаҳри Истиқлол низ Озмун-Фестивали ҷумҳуриявии ихтироъкорон ва навоварони наврасу ҷавон, таҳти шиори «Ҷавонон созандагони Ватан» баргузор гардид.

Дар даври шаҳрии ин озмун як нафар хонандаи синфи 9-и МТМУ№-и шаҳр Давлатов Муҳаммадшо ғолиби озмун дониста шуда, ба даври вилоятӣ роҳхат гирифт.

Санаи 04.12.2018 дар театри Камоли Хуҷандии шаҳри Хуҷанд маросими супоридани ҷоизаҳои раиси вилоят ба ғолибони озмун доир гардид.

Имрӯзҳо дар ҷомеаи мо ҳастанд нафароне, ки хайру саховат ва дастгирии оилаҳои ниёзмандро пешаи худ мешуморанд ва дар ин самт амалҳои пайвастаи хайру савобашон шоёни таҳсин аст.

Соли равон ду нафар сокинони шаҳри Истиқлол Гулмуродов Худойбердӣ, истиқоматкунгандаи маҳаллаи 1-ум бинои 48-и шаҳр ва Айматов Хуршед, истиқоматкунандаи кӯчаи 20-солагии Истиқлолият-11, ки дар Федератсияи Россия кору фаъолият доранд, ин иқдоми наҷибро лоиқ дониста, барои оилаҳои ниёзманди шаҳр, хусусан маъюбон кӯмакҳои моддӣ расониданд.