Дирӯз матлабе аз ҷониби сомонаи ҳалқабаргӯши ТЭТ ҲНИ “ахбор.ком” зери унвони “Бархурди нав байни намояндаи ҳукумат ва оппозитсияи тоҷик дар Варшава” ба нашр расид. Дар ин матлаби иғвоангез қайд шудааст, ки гӯё рӯзи 20 сентябр дар иҷлосияи Созмони амният ва ҳамкорӣ дар Аврупо (САҲА) дар шаҳри Варшава, пойтахти Лаҳистон намояндаи ҳайъати ҳукумати Тоҷикистон чанд дафъа суханронии намояндаи мухолифин Сулаймон Орзуевро бурид ва изҳор дошт, ки ӯ аз номи созмоне, ки намояндагӣ мекунад, суханронӣ надорад.

Нишасти САҲА дар Варшава бо иштироки намояндагони Ҳукумати Тоҷикистон  наҳзатиҳои террористро ба шикаст дучор кард. Фазои сомонаҳои иҷтимоиро чанд рӯзи охир инъикоси ҷараёни баргузории ин нишаст пур карда, асосан ба нокомию ноумедиҳои наҳзатиҳо ангушти ишорат равона гардидааст. Ҳамагон бар ҳоли ин гурӯҳи хиёнаткор механданд, зеро ин натиҷаи амали худи онҳост. Чуноне ки дар урфият мегӯянд “Чоҳкан зери чоҳ” аст.  Бо он ки ин гурӯҳи чалласаводон аз худашон алома тарошида мехостанд номи Тоҷикистонро дар арсаи байналмилалӣ бад кунанд, аммо ҳеҷ натиҷае ба даст оварда натавонистанд, баръакс маълум сохтанд, ки воқеан ҳам аз сулҳу оромӣ ва пешравии кишвар хеле нороҳатанду ба ҳар роҳу восита ҳамаи дастоварҳои бузурги ватанро нодида мегиранд.

CA.TV: Дар ҷаласаи Созмони амният ва ҳамкорӣ дар Аврупо баромад доред ва суҳбати Шумо дар кадом мавзӯъ хоҳад буд?

А.Раҳнамо: Суҳбате, ки имрӯз ман дорам мувофиқи рузномаи конфронс дар бораи озодиҳои дин, виҷдон ва ақида дар Тоҷикистон аст ва ман ҳамчун узви ҳайати расмии Ҳукумати Ҷумҳурии Тоҷикистон дар ин ҷаласа суҳбат мекунам. Ва ду нуқтаи муҳимро мехоҳам ба ҳозирин муаррифӣ кунам: яке сиёсати давлатии Ҷумҳурии Тоҷикистон дар соҳаи дин ва озодиҳои виҷдон ва дувум вазияти воқеие, ки дар Ҷумҳурии Тоҷикистон имрӯз дар ин соҳа вуҷуд дорад, ин ҳадафи ман аст.