Санаи 28-уми ноябри соли равон дар Қасри фарҳанги шаҳр Шӯрои ҳамоҳангсозии мақомотҳои ҳифзи ҳуқуқи шаҳри Истиқлол оид ба вазъи иҷрои қонунгузорӣ дар бораи мубориза ба экстремизм ва терроризм баргузор гардид.

Дар чорабинӣ раиси шаҳр муҳтарам Худойназар Амонзода, сардорони мақомотҳои ҳифзи ҳуқуқи дар шаҳр буда, хонандагону омӯзгорон ва сокинон иштирок доштанд.

Шӯрои мазкурро прокурори шаҳр, мушовири адлияи дараҷаи 2 Абдуқодирзода Ф.К. раисӣ намуда, қаблан онро ифтитоҳ бахшид ва ҳозиринро бобати масъалаҳои баррасишаванда шинос намуд.

Соли равон бо ибтикори мақомоти иҷроияи ҳокимияти давлатии вилояти Суғд аз моҳи август то моҳи ноябр Фестивал- озмуни вилоятии ҳунарҳои мардумӣ аз рӯйи даҳ самти ҳунармандӣ ташкил ва гузаронида шуд.

Санаи 05.12.2018 дар маркази вилоят бо иштироки раиси вилояти Суғд муҳтарам Раҷаббой Аҳмадзода озмуни мазкур ҷамъбаст ва натиҷагирӣ карда шуда, ғолибони озмун қадршиносӣ карда шуданд.

Санаи 5-уми декабри соли равон дар Қасри Арбоб-и ноҳияи Бобоҷон Ғафуров маросими супоридани Грантҳои Раиси вилояти Суғд ба занону духтарони ҳунарманди вилоят ва ҷамбасти Фестивал-озмуни вилоятии «Атласу адраси Суғд-2018» баргузор гардид.

Дар ин фестивал- озмун аз шаҳри Истиқлол як нафар бонуи ҳунарманду чирадаст Абдураҳмонова Ханигул иштирок намуда, аз рӯйи намуди бофидани гилеми зебои дастӣ ғолиби озмун дониста шуд ва бо Гранти раиси вилояти Суғд муҳтарам Раҷаббой Аҳмадзода бо маблағи 5 000 сомонӣ сарфароз гардонида шуд.