Қарори раиси шаҳри Истиқлол аз санаи 5-уми июни соли 2018, таҳти №127 Дар бораи таҷлили 80 - солагии таъсисёбии шаҳраки Табошар ва 25-солагии мақоми шаҳрро гирифтани шаҳри Истиқлол
Мутобиқи моддаҳои 19 ва 20 Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ” бо мақсади тарғиби комёбиҳои даврони Истиқлолият, ташаккули ҳисси ватандорӣ, қадршиносӣ аз арзишҳои умумимиллӣ ва умумидавлатӣ, таъмини якпорчагиву ягонагии Тоҷикистони соҳибистиқлол ва таҳкими ваҳдати халқҳои маскуни кишвар, ташаккули давлати демократӣ, ҳуқуқбунёд ва дунявӣ, инчунин бо мақсади дар сатҳи баланди сиёсиву фарҳангӣ таҷлил намудани 80 - солагии таъсисёбии шаҳраки Табошар ва 25-солагии мақоми шаҳрро гирифтани шаҳри Истиқлол
Қ А Р О Р М Е К У Н А М:
1.Моҳи сентябри соли 2018 80- солагии таъсисёбии шаҳраки Табошар ва 25-солагии мақоми шаҳрро гирифтани шаҳри Истиқлол дар сатҳи баланд таҷлил карда шавад.
2.Ҳайати кумитаи тадорукот ва нақшаи чорабиниҳои шаҳрӣ оид ба таҷлили ҷашни 80 - солагии таъсисёбии шаҳраки Табошар ва 25-солагии мақоми шаҳрро гирифтани шаҳри Истиқлол тасдиқ карда шавад.
Қарори раиси шаҳр аз 23-юми майи соли 2018, таҳти №123 Дар бораи ташкили истироҳати тобистонаи кӯдакон ва наврасони шаҳри Истиқлол дар соли 2018
Мутобиқи моддаҳои 19 ва 20-и Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», баҳри иҷрои қарори Раиси вилояти Суғд аз 16-уми майи соли 2018, №190 «Дар бораи ташкили истироҳати тобистонаи кӯдакон ва наврасон дар соли 2018» ва барои дар сатҳи зарурӣ омада намудани иншоотҳои истироҳатӣ, солимгардонӣ ва ташкили истироҳати кӯдакон ва наврасон дар мавсими тобистонаи соли 2018 дар шаҳр
Қ А Р О Р М Е К У Н А М:
1. Ҳайати ситоди шаҳрии «Тобистон-2018» тасдиқ карда шавад.
2. Барои гузаронидани истироҳати тобистонаи мактаббачагон дар заминаи мактабҳои таҳсилоти миёнаи умумӣ, истироҳатгоҳҳои рӯзонаи солимгардонӣ ва дар заминаи истироҳатгоҳҳои беруназшаҳрии фароғатӣ-таълимӣ истироҳати хонандагони болаёқат, ятиму бепарастор ва аз оилаҳои камбизоат ташкил карда шавад.
Таҷлили умумишаҳрии Рӯзи ҳифзи кӯдакон
Санаи 1-уми июни соли равон дар боғи фароғатию фарҳангии ба номи Исмоили Сомонии шаҳр чорабинии умумишаҳрӣ бахшида ба Рӯзи ҳифзи кӯдакон ташкил ва гузаронида шуд, ки дар он муовини якуми раиси шаҳр А.Шарифзода ширкат варзида, табрики раиси шаҳрро ба ин санаба самъи ҳозирин расониданд.
