Рушди соҳаи фарҳанг
Бо мақсади иҷрои дастуру супоришҳои Сарвари муаззами кишвар, Пешвои миллат муҳтарам Эмомалӣ Раҳмон дар самти рушди соҳаи фарҳанг ва баҳри беҳтар гардонидани шароити муассисаҳои фарҳангӣ бо дастгирии мақомоти иҷроияи ҳокимияти давлатии шаҳр айни замон дар бинои Қасри фарҳанги шаҳр корҳои азнавсозӣ ва тамдид бо маром идома доранд. Бино ба иттилои масъулини бахши фарҳанг ин ташаббус барои беҳтар гардидани ташкили чорабиниҳои ҷашнӣ ва умуман барои хубтар ба роҳ мондани фаъолияти аҳли ҳунар мусоидат менамояд.
Амалҳои номатлуби замони муосир
Терроризму экстремизм яке аз масъалаҳои доғи рӯз маҳсуб ёфта, нафарони ба ин гурӯҳҳои тундрав шомилгардида ва сараъзоҳои онон ба ғайр аз амалҳои нохуш ва поймол намудани ҳуқуқи инсонҳо дигар коре надоранд.
Хусусан даъво ва рафтори гурӯҳҳои тундгароро, ки зери шиори дину мазҳаб даст ба қатлу куштор мезананд, аммо дар асл каззоб ва душмани дину мардуми мусулмонанд, ифшо менамояд. Хусусан, бузурге дар рубоии зерин ихтилофоти мазҳабиро мазаммат ва маҳкум намуда, мегӯяд:
Суханронии Пешвои миллат Эмомалӣ Раҳмон дар маросими ифтитоҳи Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез”
04.05.2018, шаҳри Душанбе
Муҳтарам Муовини Дабири кулли Созмони Милали Муттаҳид!
Муҳтарам Дабири кулли Созмони амният ва ҳамкорӣ дар Аврупо!
Муҳтарам роҳбарони ҳайатҳо!
Хонумҳо ва ҷанобон!
Дар оғоз ҳамаи шумо ва ҳайати ҳамроҳатонро ба диёри бостонии Тоҷикистон хайрамақдам мегӯям.
Чорабинии имрӯза ба яке аз масъалаҳои доғи рӯз — муқовимат бо терроризм ва ифротгароӣ бахшида мешавад.
Итминон дорам, ки ҳамоиши имрӯза барои муҳокимаи ҳамаҷонибаи масоили марбут ба мубориза алайҳи ин вабои аср ва таҳияву татбиқи иқдомоту тавсияҳои муштараки ҳамоҳангшуда дар ин самт мусоидат хоҳад кард.
Мусаллам аст, ки таъмин намудани сулҳу субот ва амнияти пойдори кишварҳо аз ҷумлаи вазифаҳои калидӣ ва шарти муҳимтарини роҳандозиву пешбурди равандҳои созанда ба хотири рушди устувор дар сатҳи байналмилалӣ ва минтақавӣ ба ҳисоб меравад.
